O‘zbekiston Respublikasi Vazirlar Mahkamasining 2021-yil 9-sentabrdagi 562-son qarorida har yili O‘zbekiston Respublikasi Prezidentining sovrini uchun “Xorijiy tillarni o‘qitish bo‘yicha eng yaxshi maktab” tanlovini tashkil qilish belgilangan.

Tanlov g’oliblari quyidagi miqdorda pul mukofotlari bilan taqdirlanishi belgilab berilgan:

Tuman(shahar) bosqichida g'olib bo'lgan maktablar tuman hokimligi tomonidan:

1-o'rin – 100 million so'm;

2-o'rin – 75 million so'm;

3-o'rin – 50 million so'm.

Viloyat bosqichida g'olib bo'lgan maktablar viloyat hokimligi tomonidan:

1-o'rin – 250 million so'm;

2-o'rin – 200 million so'm;

3-o'rin – 150 million so'm.

Respublika bosqichida g'olib bo'lgan maktablar Xalq ta'limi vazirligi tomonidan:

1-o'rin – 500 million so'm;

2-o'rin – 400 million so'm;

3-o'rin – 300 million so'm

️Umumiy natijaga ko‘ra, eng yuqori ball to‘plagan maktablar ballar ketma-ketligiga ko‘ra 1, 2, 3-o‘rinlarni egallagan maktablar sifatida belgilanadi.

Xorijiy tillarni o‘qitish bo‘yicha maktabning asosiy ko‘rsatkichlarini baholash mezonlari:
 

I. Xorijiy til o‘qituvchilarining malaka toifasiga egaligi;

II. Xorijiy til o‘qituvchilarining xalqaro imtihon tizimlari bo‘yicha maxsus sertifikatlarga egaligi;

III. Maktabda xorijiy til o‘rgatish bo‘yicha ta’lim xizmatlari ko‘rsatishning yo‘lga qo‘yilganligi;

IV. O‘quvchilarning olimpiada va tanlovlarda erishgan natijalari.

2022-2023-o'quv yilida o'tkaziladigan mazkur tanlovda ishtirok etish istagida bo‘lgan maktablar https://ooo.uzedu.uz/login axborot tizimiga kirib, ro‘yxatdan o‘tishlari va ariza yuborishlari mumkinligini eslatib o'tamiz. Hozirgi kunga qadar 571 ta maktab tanlovda ishtirok etish uchun ariza yuborgan.

Arizalar qabuli 2022-yil 31-dekabrga qadar davom etadi. Imkoniyatni qo’ldan boy bermang.

Izoh: Foto 2022-yil o‘tkazilgan tanlov jarayonlaridan.