Xalq talimi sohasida ham muammolar “maktabbay” o‘rganilib, yechimi hal etilmoqda. Bu borada ijtimoiy tarmoqlar orqali yurtdoshlarimizning faolligi oshib, o‘z munosabat va takliflarini bermoqda.

Bugun Xalq talimi vazirligi mutasaddilari Chortoq tumanidagi 1-sonli maktabda bo‘ldi. Maktab jamoasi va o‘quvchilar bilan uchrashib, maktab muammolari o‘rganildi.

10-sinf o‘quvchilari bilan suhbatda ko‘proq kasblar haqida tanishtirish, faqat 5-6 ta kasb bilan chegaralanmasdan, xizmat ko‘rsatish, ishlab chiqarish, sanoat sohalari bilan xam tanishtirib borishi zarurligi, buning uchun chuqurroq talim olishi, ko‘proq kitob o‘qishlari targ‘ib qilindi.

Maktabning 2 nafar isteʼdodli ijodkor o‘quvchisiga noutbuk, maktabga elektron doska sovg‘a qilindi. Shuningdek, vazirlik ishchi guruhi Uychi tumanidagi 7- va 22-sonli maktablarda ham bo‘lib, yaratilgan sharoitlar bilan tanishildi.

O‘rganilgan maktablarni 2023 yilda Investitsiya dasturiga kiritgan xolda mukammal tamirlash, o‘quvchi soni o‘sishini inobatga olib, qo‘shimcha bino qurish taklifi bildirildi. 22-maktabga 2 ta kompyuter sinfi, 7-maktabga televizor va fanga oid videodarslar taqdim etildi.