IKKI VAZIR UCHRASHUVI: BAA BILAN PEDAGOGLAR MALAKASINI OSHIRISH VA O‘QUVCHILARNI KASBGA YO‘NALTIRISH SOHALARIDA HAMKORLIK QILINADI

Ayni damda Birlashgan Arab Amirliklarining Abu-Dabi shahrida tashrif bilan bo‘lib turgan Maktabgacha va maktab ta’limi vaziri Hilola Umarova BAA Ta’lim vaziri, Doktor Ahmad Belhul Al Falasi bilan uchrashdi. 

Uchrashuv avvalida O‘zbekiston va BAA ta’lim sohalarida amalga oshirilayotgan ijobiy o‘zgarishlar va islohotlar haqida so‘z bordi. 

Uchrashuv doirasida tomonlar:

- BAA va O‘zbekiston ta’lim tizimlarini o‘rganish va hamkorlikda qo‘shma loyihalar tashkil etish,
- O‘zbekistonda xorijiy til sifatida arab tili o‘qitiladigan maktablar uchun o‘quv-metodik majmualarni takomillashtirish bo‘yicha hamkorlik o‘rnatish,
- pedagoglarning malakasini oshirish, ular faoliyatini lisenziyalash bo‘yicha tajriba almashish hamda
- maktab o‘quvchilarini kasbga yo‘naltirish kabi masalalar muhokama qilindi.

Uchrashuv so‘ngida tomonlar barcha yo‘nalishlarda yaqindan hamkorlik o‘rnatish borasida kelishib olishdi.