Mazkur musobaqani o‘tkazishdan asosiy maqsad maktab o‘quvchilarida sog‘lom turmush tarzini shakllantirish, sport musobaqalari orqali yoshlarda o‘z irodasi, kuchi va imkoniyatlariga bo‘lgan ishonchni mustahkamlash, mardlik va vatanparvarlik, ona Vatanga sadoqat tuyg‘ularini kamol toptirish, shuningdek, yoshlar orasidan iqtidorli sportchilarni saralab olishdan iborat.

Shu maqsadda o‘tkazilayotgan mazkur musobaqada har bir hududdan bittadan jami 13 ta jamoa o‘zaro do‘stona bellashmoqda. Ishtirokchilar bellashuvlarda o‘z qobiliyat va isteʼdodlarini namoyon etmoqda.