Maktabgacha va maktab taʼlimi vazirining birinchi o‘rinbosari Usmon Sharifxodjayev taʼlim-tarbiya jarayonlarini yaxshilash uchun biriktirilgan maktab direktorlari bilan muloqot qildi.

Davlatimiz rahbari tomonidan joriy yilning 26-yanvar kuni maktab taʼlimi sifatini yaxshilash chora-tadbirlariga oid taqdimot davomida berilgan topshiriqlarda Maktabgacha va maktab taʼlimi vaziri va uning o‘rinbosarlarining har biriga maktablarda taʼlim-tarbiya jarayoni va maktab muhitini yaxshilash bo‘yicha maktablar biriktirildi.

Maktabgacha va maktab taʼlimi vazirining birinchi o‘rinbosari Usmon Sharifxodjayev bu borada biriktirilgan maktablar bilan muloqot qildi.

Ushbu muloqot davomida:

➖ biriktirilgan maktablarda taʼlim sifati va muhitini yaxshilash,

➖o‘qituvchilarning sifat ko‘rsatkichlarini oshirish,

➖o‘quvchilarni kasbga o‘qitish,

➖tanlov fanlarini joriy etish hamda

➖maktablarning 2024-yilda erishiladigan taʼlim sifatini oshirish bo‘yicha maqsadli ko‘rsatkichlari muhokama qilinib, maktab direktorlaridan takliflar olindi.

Shuningdek, har bir biriktirilgan maktablardagi taʼlim-tarbiya jarayonini tahlil qilish, o‘qituvchilar bilan uchrashish va amaliy yordam ko‘rsatish maqsadida joylarga chiqish grafigi belgilandi.