Мазкур олимпиададан кўзланган асосий мақсад, математика, физика, кимё ва биология фани бўйича билимли, ушбу фанга қизиқувчи, интилувчан ёшларни аниқлаш, уларни нуфузли халқаро фан олимпиадалари учун тизимли, пухта тайёргарлик кўришларини таъминлаш ҳамда иқтидорли ўқувчиларга кўмаклашиш, қўллаб-қувватлаш ва рағбатлантиришдан иборат.

Ушбу олимпиадада муваффақиятли иштирок этган ўқувчилар келгусида республика, минтақавий ва халқаро миқёсда ташкил қилинадиган турли интеллектуал мусобақаларда, олимпиадаларда иштирок этувчи республика терма жамоасига номзод сифатида киритилади.

Шунингдек, нуфузли халқаро олимпиадаларда Ўзбекистон терма жамоасининг натижадорлигини ошириш мақсадида ёш иқтидорларни захирада тайёрлаб бориш амалиёти жорий этилади.

Олимпиада 28 май куни ўз ниҳоясига етади ва ғолиб ўқувчилар вазирлик томонидан қимматбаҳо совғалар билан тақдирланади.