Халқаро биология олимпиадаси (IBO)да иштирок этувчи Ўзбекистон терма жамоаси аъзолари ҳамда саралаш олимпиадаларида юқори натижаларни қайд этган 9-10-синф ўқувчилари билан кучайтирилган ўқув машғулотларини олиб бориш учун Москва Давлат Университетидан хорижий мутахассислар жалб қилинмоқда.

Биология фанлари номзоди Георгий Носов ўқувчилар билан биология фанининг "Биокимё" ва "Биоинформатика" бўлимлари бўйича назарий ва амалий дарс машғулотларини олиб бормоқда. 

Айни дамда Олимпиадасида иштирок этувчи Ўзбекистон терма жамоаси аъзолари "Ўзбекистон" меҳмонхонасига жойлаштирилган ва уларни халқаро олимпиадага тайёрланишлари учун керакли барча шароитлар яратилган.

Олиб борилаётган дарс жараёнлари Халқ таълими вазирлигининг расмий веб саҳифаларига жойлаштириб борилади.