Бугун 29 декабрь куни Республика бўйлаб болажонларнинг энг севимли байрамларидан бирига айланиб улгурган “Президент арчаси” байрам тантаналари бошланди.

“Президент арчаси”нинг асосий байрам тантаналари Тошкент шаҳридаги “Томоша” болалар театр-студиясида бошланди. “Йўлбарс афсонаси” деб номланган байрам дастури икки кун давомида болажонларнинг эътиборига ҳавола этилади.

Мазкур байрам дастурига Меҳрибонлик уйлари тарбияланувчилари, ота-она қаровисиз қолган болалар, ота-оналари Ватан сарҳадларини ҳимоя қилиш йўлида қурбон бўлган 1365 нафар бола таклиф этилган.

Аввалроқ Меҳрибонлик уйлари, Болалар шаҳарчалари, Оилавий болалар уйлари, СОС болалар маҳаллалари  тарбияланувчилари, ота-она қаровисиз қолган болалар, ота-оналари Ватан сарҳадларини ҳимоя қилиш йўлида қурбон бўлган болалар учун “Президент совғалари” Республика бўйлаб етказиб берилаётгани ҳақида хабар бергандик.

Ушбу тантаналардан тайёрланган видеолавҳа

https://youtu.be/QUb5njQ3a3A