Халқ таълими вазири Бахтиёр Саидов Наманган вилояти туман ва шаҳар халқ таълими бўлими мудирлари иштирокида жорий йил биринчи ярим йиллиги ва йил якунига қадар халқ таълими соҳасида амалга оширилаётган ислоҳотларнинг натижадорлиги муҳокама этилди.
Дастлаб, Давлатимиз раҳбарининг шу йили 28 январь ва 5 апрелда ўтказилган видеоселектор йиғилишида халқ таълими соҳасидаги ислоҳотларнинг натижадорлиги бўйича берилган топшириқлар мазмуни билан таништирилди. Бу борада туман ва шаҳар халқ таълими бўлими мудирларининг шахсий жавобгарлиги, ислохотларни энг қуйи тизим мактабларгача етиб бориши ва натижадорлигини таъминлашда масъулияти белгилаб берилди.
“Энг муҳим вазифа — “мактаббай” ишларни ташкил этган ҳолда педагогларнинг дунёқараши ва келажак авлод олдидаги масъулиятини ҳис этиши, ўқитувчилар орқали ўқувчилар ва уларнинг ота-оналарига, ота-оналар орқали маҳалла ва бутун жамиятни ўзгартириш”, — деди вазир учрашувда.
Бунинг учун, биринчи навбатда туман ва шаҳар халқ таълими бўлими мудирлари ва мактаб раҳбарлари ўзгариши керак, ўзини қийнаб, янги ташаббусларни амалга ошириш зарурлиги таъкидланди.
Муҳокамада вилоят таълим муассасаларидаги мавжуд муаммолларни ҳал этишга қаратилган Дастур ва йўл хариталардаги вазифаларни бажариш, маҳаллий ҳокимликлар билан биргаликда мактабларнинг моддий-техник базасини мустахкамлаш, кадрлар салоҳиятини ошириш, янги методикалар асосида ўқитиш, ўқувчиларни касб-ҳунарга ўргатишда иқтисодий тармоқларда зарур касблар билан таништириб бориш, саноат ва ишлаб чиқариш билан боғлиқ касблар ҳақида кўпроқ таништириш ҳақида кўрсатма берилди.
Учрашувда туман ва шаҳар халқ таълими мудирларининг 2022 йилда амалга оширадиган вазифалари бўйича ахбороти ҳамда соҳани ривожлантиришга оид таклифлари тингланди
