Саралаш босқичи 6 февраль куни информатика ва ахборот технологиялари, 9 февраль куни биология ва кимё, 11 февраль куни эса математика ва физика фанларидан битта турда А.Авлоний номидаги халқ таълими муаммоларини ўрганиш ва истиқболларини белгилаш илмий-тадқиқот институтида  ўтказилади.

Саралаш олимпиадаси топшириқларини бажариш учун: математика, кимё, биология, физика фанларига 4 соат, информатика ва ахборот технологиялари фанига 5 соат вақт ажратилади;

Математика, физика, кимё, биология фанларидан юқоридаги квоталар асосида  сўнги ўринга (мос равишда 18, 15, 12, 12-ўринлар) даъвогар бир нечта иштирокчиларнинг тўплаган баллари тенг бўлиб қолган тақдирда, берилган топшириқларнинг юқори балл берадиган топшириқ бўйича кўп балл тўплаган ўқувчи устунликка эга бўлади;

Ҳар бир топшириқ бўйича ҳам баллар тенг бўлган тақдирда ўқувчиларга ҳакамлар ҳайъати томонидан қўшимча 3 та очиқ тест (жавоби ёзиладиган) берилади ва ғолиб аниқланади.

Информатика ва ахборот технологиялари фанидан 12-ўриндаги бир неча иштирокчиларнинг тўплаган баллари тенг бўлиб қолган тақдирда, ҳакамлар ҳайъати томонидан шу ўқувчиларнинг масала ишлашга сарфлаган жарима вақтлари тизимда текширилади ҳамда кам жарима олган ўқувчи устунликка эга бўлади.

Нуфузли халқаро олимпиадаларда иштирок этувчи Ўзбекистон терма жамоасига номзодларни саралашнинг II босқичи назорат материаллари ва баҳоланиши