Мактабгача ва мактаб таълими вазирлигида халқаро тадқиқотларга тайёргарлик кўриш ва педагог кадрлар салоҳиятини ошириш масалаларига бағишланган йиғилиш бўлиб ўтди.

Видеоконференция шаклида ташкил этилган йиғилишда вазирлик масъуллари ҳамда ҳудудий бошқармалар бошлиқлари иштирок этишди.

Унда соҳада ижобий ўзгаришларни амалга ошириш, таълим сифатини оширишда педагогларининг замонавий таълим стандартларига мос равишда иш олиб боришини таъминлаш муҳимлигига алоҳида урғу берилди.

Бу борадаги ишлар самарадорлигини ошириш мақсадида ҳудудий бошқарма бошлиқларига ўқитувчиларнинг касбий ривожланиши юзасидан тегишли топшириқлар берилди.

Тошкент шаҳрида бўлиб ўтган ўқитувчилар малакасини ошириш ҳамда халқаро тадқиқотларга тайёргарлик кўриш масалаларига бағишланган учрашув ҳудудлар кесимида ҳам бўлиб ўтиши режалаштирилди.