Ихтисослаштирилган таълим муассасалари агентлигига кўплаб ота-оналар томонидан Таянч ихтисослаштирилган мактабларга ҳужжатлар қабули юзасидан бўлаётган мурожаатлардан келиб чиқиб, Агентлик режалаштирилганидан олдинроқ яъни 20 июндан – 10 июлга қадар Таянч ихтисослаштирилган мактабларига 2023/2024 ўқув йили учун ҳужжатлар қабулини ОНЛАЙН шаклда ariza.piima.uz сайти орқали амалга оширилишини маълим қиламиз.

Таянч ихтисослаштирилган мактабларига қандай ҳужжатлар талаб этилади?

Талабгорнинг:

туғилганлик тўғрисидаги гувоҳномаси;

фотосурати (охирги 2 ойда олинган);

баҳолар табели нусхаси (директор томонидан тасдиқланган);

ота-онаси ёки унинг ўрнини босувчи шахснинг паспорт маълумотлари ва телефон рақамлари (доимий ишлаб турган телефон рақамлари) аниқ ва бехато киритилиши лозим.

Таянч ихтисослаштирилган мактабларига нечанчи синфдан қабул қилинади?

2023-2024 ўқув йилида Ихтисослаштирилган таълим муассасалари агентлиги тизимидаги 3 та Таянч ихтисослаштирилган мактаблари:

Муҳаммад ал-Хоразмий номидаги ихтисослаштирилган мактабининг аниқ фанлар йўналиши бўйича 5-синфига;

Мирзо Улуғбек номидаги ихтисослаштирилган мактабининг аниқ фанлар йўналиши бўйича 7-синфига;

Абу Али ибн Сино номидаги ихтисослаштирилган мактабининг табиий фанлар йўналиши бўйича 7-синфига қабул қилинади.

Қабул жараёнига оид янгиликларни ижтимоий тармоқлардаги расмий саҳифаларимиз орқали кузатиб боришингиз мумкин.