Тошкент шаҳар мактабгача ва мактаб таълими бошқармаси бошлиғи Нилуфар Ҳусанбоева бошчилигида "Коррупциясиз соҳа" лойиҳаси доирасида очиқ эшиклар куни ўтказилди.

Унда ҳуқуқ-тартибот идоралари, шаҳар ҳокимлиги мутасадди ташкилот вакиллари, шаҳар мактабгача ва мактаб таълими бошқармаси масъуллари иштирок этдилар.

Тадбирга ташриф буюрганларга бошқарма раҳбарияти ва масъул ходимлари томонидан соҳада коррупцияга оид қонунбузилиши ҳолатларини олдини олиш ва бартараф этиш борасида олиб борилаётган ишлар ҳақида маълумотлар берилди. Шунингдек, очиқлик ва шаффофлик принтсипи асосида йўлга қўйилган инсон омилини камайтириш мақсадида, мактабгача ва мактаб таълими соҳасида амалга оширилган рақамлаштириш ишлари ҳақида алоҳида тўхталиб ўтилди.